Prezıdent Іs basqarmasynyń ujymy jańa Konstıtýtsııa jobasyn qoldady
ASTANA. KAZINFORM - Qazaqstan Respýblıkasy Prezıdentiniń Іs basqarmasynda Qazaqstan Respýblıkasynyń jańa Konstıtýtsııasy jobasyn talqylaýǵa arnalǵan kezdesý ótti. Іs-sharaǵa apparat basshysy Almas Isakov tóraǵa boldy.
Jıynǵa Prezıdent Іs basqarmasy ortalyq apparatynyń memlekettik qyzmetshileri, PІB júıesine qarasty vedomstvolyq uıymdardyń basshylary, kadr qyzmetteriniń ókilderi qatysty.
Almas Isakov óz sózinde elimizdiń júıeli ózgerister kezeńine qadam basqanyn atap ótip, bul úderis memleketti damytýda adamı kapıtal men qoǵamnyń rólin kúsheıtýdi talap etetinin aıtty. Jańa Konstıtýtsııa jobasy memlekettiń saıası-quqyqtyq negizin jańǵyrtýǵa baǵyttalǵan strategııalyq qadam ári jańa tarıhı dáýir talaptaryna saı keletin qujat.
Sondaı-aq Qazaqstan Respýblıkasy Ǵylym jáne joǵary bilim mınıstrligi Ǵylym komıtetiniń Memleket tarıhy ınstıtýtynyń dırektory, saıası ǵylymdar doktory Nurbek Pusyrmanov, Memleket tarıhy ınstıtýtynyń Eýrazııalyq jáne saıası zertteýler bóliminiń meńgerýshisi, saıası ǵylymdar doktory, professor Venera Jeksembekova, sondaı-aq Qazaqstan Respýblıkasy Prezıdenti janyndaǵy Memlekettik basqarý akademııasynyń vıtse-rektory, fılosofııa ǵylymdarynyń doktory, professor Álııa Masalımova baıandama jasady.
Nurbek Pusyrmanov óz sózinde Konstıtýtsııa jobasynda 145 depýtaty bar bir palataly Parlament – Quryltaıǵa kóshý usynylǵanyn atap ótti. Bul zań shyǵarý úderisterin jedeldetip, halyq ókilderiniń qoǵam aldyndaǵy jaýapkershiligin arttyrýǵa múmkindik beredi. Spıker sonymen qatar Halyq keńesi atty qoǵam múddesin bildiretin konsýltatıvtik organ qurý jáne azamattarmen ári halyqaralyq seriktestermen ózara is-qımyldy úılestirý maqsatynda vıtse-prezıdent laýazymyn engizý bastamalaryna toqtaldy.
Venera Jeksembekova bilim berý salasyndaǵy reformalardyń mańyzdylyǵyn atap ótip, barlyq deńgeıde sapaly bilimge qoljetimdilikti arttyrý, zamanaýı bilim berý tehnologııalaryn engizý jáne ǵylymı-zertteý qyzmetin qoldaý bilikti mamandar daıarlaýǵa jáne eldiń zııatkerlik áleýetin damytýǵa jaǵdaı jasaıtynyn aıtty.
Álııa Masalımova azamattardyń quqyqtary men bostandyqtaryn nyǵaıtýdyń mańyzdylyǵyna nazar aýdardy.
Onyń ishinde jeke tulǵanyń qol suǵylmaýshylyǵyna beriletin kepildikterdi kúsheıtý, kinásizdik prezýmptsııasyn saqtaý jáne derbes derekterdi qorǵaý máseleleri qamtylǵan. Sarapshy saıası modeldiń tujyrymdamalyq negizderine, bılik tarmqtary ókilettikteriniń teńgerimine toqtalyp, adam quqyqtaryn qorǵaý tetikterin kúsheıtý jáne konstıtýtsııalyq normalardy iske asyrýdyń ınstıtýtsıonaldyq kepildikterin jetildirý qajettigin atap ótti.
Budan bólek, spıkerler Konstıtýtsııa jobasynda bekitilgen jańa ekologııalyq normalarǵa nazar aýdardy. Ata zańda tabıǵı resýrstardy utymdy paıdalaný, bıoalýantúrlilikti saqtaý jáne ekologııalyq zııanmen kúresý mindetteri aıqyndalǵan. Bul turaqty damý qaǵıdattaryn jáne bolashaq urpaqqa degen jaýapkershilikti kórsetedi.
Kezdesý sońynda qatysýshylar jańa Konstıtýtsııa jobasyna tolyq qoldaý bildirip, onyń eldiń uzaq merzimdi damýy úshin strategııalyq mańyzǵa ıe ekenin atap ótti.
Osyǵan deıin arnaıy júrgizilgen saýalnama Qazaqstan azamattarynyń 78%-dan astamy jańa Konstıtýtsııa jobasyn qoldaıtynyn kórsetkeni týraly jazdyq.