Prezıdent Іs basqarmasynyń Medıtsınalyq ortalyǵynda 7 aı ishinde 11 myń adam em aldy
ASTANA. KAZINFORM – QR Prezıdenti Іs basqarmasynyń Medıtsınalyq ortalyǵy aýrýhanasynyń táýliktik statsıonarynda 7 aı ishinde 11 143 patsıent em alǵan. Bul byltyrǵy jyldyń osy kezeńindegi kórsetkishten 1 055 adamǵa kóp.
Olardyń ishinde eń suranysqa ıe – kardıologııa, terapııa jáne otorınolarıngologııa bólimi. Byltyr da aldyńǵy úsh oryn dál osyndaı rette bolǵan.
Sonymen qatar táýliktik statsıonarda jasalǵan operatsııalar sany 6 535-ke jetip, 2023 jyldyń osy kezeńindegi kórsetkishten asyp tústi.
Aqyly qyzmetter boıynsha 7 aı ishinde otorınolarıngologııa men kóz mıkrohırýrgııasyna suranys eń kóp bolǵan – 179 patsıent. Ekinshi orynda gastroenterologııa, endokrınologııa bólimderi tur (159 patsıent). Kardıolog mamandardyń kómegine júgingender sany – 113 adam. Suranysqa ıe qyzmetter qatarynda kardıońaltý, gınekologııa, somatıkalyq bólim, terapııa da bar ekenin atap ótken jón.
