Prezıdent Іs Basqarmasynyń kóshpendiler oıyndaryna atsalysqan qyzmetkerleri marapattaldy
ASTANA. KAZINFORM – Búgin Qazaqstan Respýblıkasy Prezıdenti Qasym-Jomart Toqaevtyń Jarlyǵymen Astana qalasynda ótken V Dúnıejúzilik kóshpendiler oıyndaryn uıymdastyrýǵa jáne ótkizýge erekshe úles qosqan Prezıdent Іs Basqarmasy jáne oǵan baǵynysty mekemelerdiń qyzmetkerleri memlekettik nagradalarmen marapattaldy.
«Biz Memleket basshysy qatysatyn is-sharalarda únemi belsendi jumys isteımiz. Búgin Prezıdent atynan memlekettik nagrada aldym, bul men úshin úlken qurmet. Kóshpendiler oıyndaryn joǵary deńgeıde ótkizdik dep oılaımyn. Dúnıejúzilik kóshpendiler oıyndary kezinde bizge tehnıkalyq jáne baılanyspen (ınternet) qamtý mindeti júkteldi. Árıne, quzyrly organdar jáne baılanys operatorlarymen birlesip jumys istedik. Bul marapat maǵan úlken jaýapkershilikti júkteıdi», - dedi «Eren eńbegi úshin» medalin alǵan Prezıdent Іs basqarmasy tsıfrlandyrý jáne jobalyq basqarý bóliminiń meńgerýshisi Dáýren Moldahmetov.
Keshe V Dúnıejúzilik kóshpendiler oıyndaryna atsalysqan azamattar marapattaý týraly Prezıdent Jarlyǵy shyqqan edi.
Qazaqstan Respýblıkasynyń memlekettik nagradalarymen marapattaldy:
«Eren eńbegi úshin» medalimen Moldahmetov Dáýren Nurlanuly, Prezıdent Іs basqarmasy tsıfrlandyrý jáne jobalyq basqarý bóliminiń meńgerýshisi.
«Shapaǵat» medalimen:
Ispaev Aıat Amangeldiuly, Prezıdent Іs basqarýshysynyń kómekshisi;
Ospanova Jumagúl Turarbekqyzy, Medıtsınalyq ortalyqtyń Sanıtarııalyq epıdemıologııalyq saraptama ortalyǵynyń sanıtarııalyq dárigeri;
Ósimbekov Azamat Esentaıuly, VD Stroı-ınjınırıng jaýapkershiligi shekteýli seriktestiginiń bas dırektory;
Esetov Ǵalymjan Temirhanuly, VD Stroı-ınjınırıng jaýapkershiligi shekteýli seriktestiginiń joba jetekshisi.
Sonymen qatar kelesi qyzmetkerlerge Qazaqstan Respýblıkasy Prezıdentiniń Qurmet gramotasy tapsyryldy:
Muqashev Marat Jomartbekuly, Prezıdent Іs basqarmasy materıaldyq-tehnıkalyq qamtamasyz etý bóliminiń meńgerýshisi;
Isaqov Nurlan Mahanbetálıuly, Medıtsınalyq ortalyq aýrahanasynyń jedel járdem dárigeri;
Zelenyı Vasılıı Sergeevıch, Medıtsınalyq ortalyq aýrahanasynyń jedel járdem dárigeri;
Odan bólek, memlekettik rezıdentsııalar dırektsııasynyń 13 qyzmetkeri Qurmet gramotasyn aldy.
