Prezıdent Іs basqarmasynyń qyzmetkerleri toǵyzqumalaqtan ózara myqtyny anyqtady
ASTANA. KAZINFORM – Búgin Prezıdent Іs basqarmasynda Naýryz meıramy qarsańynda toǵyzqumalaqtan týrnır ótti.
Jarysqa Іs basqarmasyna qarasty mekeme qyzmetkerlerinen quralǵan 15 komanda qatysty.
Toǵyzqumalaqtan tartysty básekede Prezıdent Іs basqarmasy ortalyq apparatynyń oıynshylary Erlan Ámirǵalıev pen Alma Saǵıjanqyzy bas júldeni jeńip aldy.
Ekinshi oryn MTQB Ákimshilik ǵımarattar dırektsııasynyń komandasyna buıyrdy. Bul ujymnyń namysyn Bekzat Qarjaýov pen Aqerke Ábdyhan qorǵady.
Al Merýert Bekisheva men Eljas Júsiptiń komandasy QR Prezıdentiniń Ákimshiligi men Úkimeti Ákimshilik ǵımarattary dırektsııasynyń komandasy júldeli úshinshi orynǵa ıe boldy.
Aıta ketsek, jeńimpazdar men júldegerlerge arnaıy kýbok jáne dıplom tabystaldy.
- Salaýatty ómir saltyn nasıhattaýǵa baǵyttalǵan spartakıada jyl sońyna deıin jalǵasady. Aldaǵy ýaqytta shaǵyn fýtbol, voleıbol, shahmat, qazaq kúresi jáne basqa da sport túrlerinen saıystar ótedi,- dep habarlaıdy Prezıdent Іs basqarmasynan.
Buǵan deıin Prezıdent Іs basqarmasynyń uıytqy bolýymen toǵyzqumalaqtan týrnır ótip jatqanyn týraly habarlaǵan bolatynbyz.
Eske salaıyq, Prezıdent Іs basqarmasynyń qyzmetkerleri arasynda ártúrli sporttan týrnırler turaqty uıymdastyrylyp turady. Ótken jyly voleıboldan ózara myqtyny anyqtady.
Sondaı-aq byltyr qazaq kúresinen de týrnır ótken bolatyn.
