Prezıdent Іs basqarmasy men Dúnıejúzilik týrıstik uıym yntymaqtastyq týraly memorandýmǵa qol qoıdy
ASTANA. KAZINFORM – Astanada qazaqstandyq týrızmdi damytý jáne halyqaralyq tájirıbemen almasyp, yntymaqtastyqty ilgeriletý máselelerine arnalǵan dóńgelek ústel ótti.
Іs-sharanyń maqsaty – Qazaqstan Respýblıkasynda týrızmdi damytý boıynsha Memleket basshysynyń alǵa qoıǵan mindetterin oryndaý.
Prezıdent Іs basqarmasy uıymdastyrǵan dóńgelek ústel otyrysyna BUU janyndaǵy Dúnıejúzilik týrıstik uıymnyń (UNWTO) Bas hatshysy Zýrab Pololıkashvılı qatysty.
«Men úshin Qazaqstanda, óziniń tabıǵı sulýlyǵymen, mádenı ártúrliligimen jáne týrızmdi damytý úshin sheksiz áleýetimen tań qaldyrýdy toqtatpaıtyn jerde bolý úlken mártebe. Qazaqstannyń osy saladaǵy áleýeti zor ekenine senimdimin. Elderińizde biregeı tabıǵı resýrstary bar. Sheksiz dala men taýlardan bastap kólder men ejelgi qalalarǵa deıin, olar álemniń túkpir-túkpirinen kelgen týrısterdi qyzyqtyrady. Alaıda, tabıǵı áleýet qana emes, mádenı áleýet te mańyzdy. Qazaqstan – órkenıetterdiń, Shyǵys pen Batys toǵysqan jer. Sońǵy jyldary biz Qazaqstanda týrıstik ınfraqurylymnyń belsendi damýyn baıqap otyrmyz, bul sizderdiń elderińizdiń aımaqtaǵy jetekshi týrıstik baǵyttardyń biri bolý nıetiniń mańyzdylyǵyn rastaıdy. BUU-nyń Dúnıejúzilik týrıstik uıymy týrızmdi damytý baǵytyndaǵy jospardy júzege asyrýda qoldaý kórsetýge daıyn. Biz halyqaralyq týrıster tarapynan Qazaqstanǵa úlken qyzyǵýshylyq tanytyp otyrmyz. Bizdiń mindet – qazaqstandyq týrızm áleýetin iske asyrýǵa kómektesý», - dedi Zýrab Pololıkashvılı jıyn barysynda.
Sondaı-aq is-sharanyń qorytyndysy boıynsha Prezıdent Іs basqarmasy men Dúnıejúzilik týrıstik uıym yntymaqtastyq týraly memorandýmǵa qol qoıyldy.
«Bizdiń aldymyzdaǵy mańyzdy mindet – otandyq týrızmdi tıimdi damytý jáne halyqaralyq arenadaǵy ózgermeli jaǵdaılarǵa beıimdelý. Bizde tabysqa jetý úshin barlyq qajetti resýrstar men múmkindikter bar. Qazaqstannyń álemdik týrızm salasy qataryna enýde sheshýshi ról atqaratyn Dúnıejúzilik týrıstik uıymmen yntymaqtastyǵymyz mańyzdy», - dedi QR Prezıdenti Іs basqarýshysynyń orynbasary Rýstam Baıalıev.
Odan bólek, Rýstam Baıalıev «Býrabaı» kýrorty aýmaǵynda týrıstik-ınfraqurylymdyq jobalardy iske asyrý qajettigin aıtty.
Aıta keteıik, «Býrabaı» kýrorty sońǵy jyldary qazaqstandyqtar men sheteldik týrıster arasynda úlken suranysqa ıe. Kelýshilerdiń sany mıllıonnan asady.
