Prezıdent Rjev okrýgindegi jaýyngerler jerlengen baýyrlastar zıratyna gúl shoǵyn qoıdy

RJEV. QazAqparat – Prezıdent Qasym-Jomart Toqaev Rjev okrýgi Trýbıno derevnıasyndaǵy maıdandas jaýyngerler jerlengen baýyrlastar zıratyna gúl shoǵyn qoıdy, dep habarlaıdy QazAqparat Aqordaǵa silteme jasap.

Memleket basshysy Rjev túbindegi surapyl shaıqas kezinde qaza tapqan jáne iz-túzsiz joǵalǵan bozdaqtardyń rýhyna taǵzym etti.

Baýyrlastar zıratynda qolynda avtomaty bar jaýyngerdiń músini ornatylǵan. Eskertkishtiń janyndaǵy tasta «1941-1945 jyldary nemis-fashıst basqynshylarynan Rjevti azat etý úshin bolǵan shaıqasta qaza tapqan 881-shi atqyshtar dıvızııasy men 331-shi zeńbirekti artıllerııalyq polktiń maıdandas jaýyngerlerine» dep jazylǵan.

Bul jerde 2 myńnan astam soldattyń denesi jatyr. Jerlengender tiziminde Qazaqstan Prezıdentiniń ákesiniń aǵasy – Qasym Boltaev ta bar.