Prezıdent «Rýsskaıa mednaıa kompanııa» negizin qalaýshy Igor Altýshkındi qabyldady
ASTANA. KAZINFORM – Memleket basshysy «Rýsskaıa mednaıa kompanııa» negizin qalaýshy Igor Altýshkındi qabyldady. Bul týraly Aqordanyń baspasóz qyzmeti habarlady.
Kezdesýde Qazaqstannyń taý-ken, metallýrgııa salalarynda birlesken ınvestıtsııalyq jobalardy júzege asyrý máseleleri talqylandy.
Qasym-Jomart Toqaevqa kompanııanyń elimizdegi óndiristik qyzmeti, óńdeý qýatyn arttyrý jáne holdıngtiń ónerkásip nysandary ornalasqan aımaqtardaǵy áleýmettik mindetterdi sheshý jospary jóninde málimet berildi.
Aıta ketelik Oljas Bektenov ınnovatsııalyq jobalarǵa qoldaý kórsetetin platformany iske qosýdy tapsyrdy.
