Prezıdent ruqsatsyz graffıtıge zań júzinde tyıym salýdy tapsyrdy
ASTANA. KAZINFORM – Memleket basshysy Qasym-Jomart Toqaev Astana ákimi Jeńis Qasymbekke ǵımarattardyń qabyrǵasyna graffıtı salatyn tulǵalarǵa qatysty qatań shara qoldanýdy tapsyrdy.
Bul týraly Q. Toqaev elordada Prezıdent saıabaǵynda ótken «Taza Qazaqstan» ekologııalyq aktsııasynda tapsyrma berdi.
19 qyrkúıekte Dúnıejúzilik tazalyq kúni (World Cleanup Day) atalyp ótedi. Bul kúni elimizdiń barlyq óńirinde «Taza Qazaqstan» jobasy aıasynda aýqymdy ekologııalyq aktsııalar ótedi.
Memleket basshysynyń aıtýynsha, elimizdiń qalalarynda buǵan jol bermeý kerek. Sondaı-aq álemde vandalızm men buzaqylyqtyń soraqy kórinisi sanalatyn, qoǵamdyq oryndardy búldiretin «shyǵarmashylyqtyń» mundaı túrine tolyq tyıym salatyn zańdyq-normatıvtik sharalar qabyldaǵan jón.
Aıta keteıik, Memleket basshysy Qasym-Jomart Toqaev jas ekobelsendilermen birge Prezıdent saıabaǵy aýmaǵynda aǵash ekti.
Sonymen birge, Qasym-Jomart Toqaev ekologııa men tazalyqqa jaýapty memlekettik organdar basshylarynyń esebin tyńdady.
