Prezıdent rýhanı sanany jańǵyrtýdyń taǵy bir tyń jolyn usyndy - Ǵ. Sarybaev
«Memleket basshysynyń «Uly dalanyń jeti qyry» atty maqalasynda ult rýhyn asqaqtatqan uly dalanyń qyry men syryna jan-jaqty toqtalyp, ata-babalarymyzdyń adamzat órkenıetine qosqan ólsheýsiz úlesin aıryqsha atap kórsetti. Eldigimizdiń baǵa jetpes enshisin erekshelep, ulttyq qundylyqtarymyzdyń qaınaryn qaıta bir sýsyndatqandaı osy qundy eńbek Elbasynyń tereń tolǵamy, halqyna jetkizgisi kelgen taǵy bir parasatty paıymy ispettes. Sondaı-aq, maqalada Elbasy tasqa basylǵan tarıhymyzdy tarazylap, tereń zertteýdi qajet etetin ult murasyn alǵa tartty. Biz ótkennen ónege alyp, bolashaǵymyzǵa batyl qadam basýymyz úshin búgingi urpaqtyń sanasyna babalar qaldyrǵan qundy muraǵatty sińirýimiz kerek»,- dedi Ǵalıasqar Sarybaev.
«Nur Otan» partııasy Almaty oblystyq fılıaly tóraǵasynyń birinshi orynbasary Elbasynyń osyǵan deıin «Bolashaqqa baǵdar: rýhanı jańǵyrý» baǵdarlamalyq maqalasy aıasynda óńirde kóptegen ıgi ister atqarylǵanyn atap ótti. Búgingi maqala sonyń jalǵasy ispetti ekenine toqtaldy.
«Ult Kóshbasshysy rýhanı sanany jańǵyrtýdyń taǵy bir tyń jolyn usyndy. Sondyqtan maqalaǵa arqaý etilgen ár bastama - bizdiń tól mádenıetimizdiń máıegi bolyp sanalady. Elbasynyń jańa maqalasy «Nur Otan» partııasynyń bastamashyl jańa jobalarymen de úndes. Mysaly, «Bilim ortalyqtary», «Shyǵarmashyl zııaly qaýymmen jumys», «Ardagerlerdi ardaqtaıyq», «Tsıfrlyq partııa» jobalary búgingi zamannyń talaptaryn elimizdiń ulttyq tárbıesimen birtutas qarap, ózegine aınaldyrǵan jańashyl bastamalar. Biz úshin mańyzdy kórsetkishtiń biri - elimizdiń saıası turaqtylyǵyn saqtaý, rýhanı baılyǵymyzdy baıyptap, óskeleń urpaq boıyna jańa zamanda jiger beretin naǵyz qazaqy rýhty darytý. Osy maqsatymyzdy Partııa Tóraǵasy, Elbasymyz Nursultan Ábishuly da dóp basyp, maqalasynyń ózegine aınaldyryp otyr. Partııalyqtar úshin maqalanyń mańyzdylyǵy asa joǵary. Sebebi, bizdiń Saıası Doktrınamyzdyń ózi adamı qundylyqtarmen tolysqan, tárbıe men dástúrdiń arnasynan taǵylym alǵan, adam men onyń bostandyǵyn qadirleýdi basty nazarǵa alǵan qujat»,- dep oıyn qorytyndylady Ǵalıasqar Sarybaev.
