Prezıdent Respýblıka kúnimen quttyqtaǵan shet memleketter basshylaryna alǵys aıtty
ASTANA. KAZINFORM — Prezıdent shet memleketter basshylarynyń Ulttyq merekemizge oraı joldaǵan quttyqtaýlaryna rızashylyǵyn bildirdi.
– Respýblıka kúnine oraı joldaǵan rııasyz quttyqtaýlary men jyly lebizderi úshin barlyq memleketter jáne úkimetter basshylaryna, sondaı-aq iri halyqaralyq uıymdardyń jetekshilerine alǵys aıtamyn. Egemen elimizge arnaǵan izgi tilekterińizdi halqymyz rızashylyqpen qabyldady, – dep jazdy Memleket basshysy Qasym-Jomart Toqaev X áleýmettik jelisindegi paraqshasynda.
Memleket basshysy búgin Aýstrııanyń Federaldyq Prezıdentine quttyqtaý jedelhatyn joldady.
