Prezıdent Respýblıka kúni qarsańynda kimderdi memlekettik nagradalarmen marapattady
ASTANA. KAZINFORM — Prezıdent Respýblıka kúni qarsańynda bir top azamatty memlekettik nagradalarmen marapattaý týraly Jarlyqqa qol qoıdy, dep habarlaıdy Aqordanyń baspasóz qyzmeti.
Ulttyq merekemiz — Respýblıka kúni qarsańynda Qazaqstan Respýblıkasy Prezıdentiniń Jarlyǵymen eldiń áleýmettik-ekonomıkalyq jáne mádenı-rýhanı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi jáne belsendi qoǵamdyq qyzmeti úshin bir top azamat memlekettik nagradalarmen marapattaldy. Olardyń qatarynda eńbek ardagerleri, jumysshy mamandyqtardyń, óndiris, bıznes, bilim, ǵylym, densaýlyq saqtaý salalarynyń ókilderi, áskerı qyzmetshiler, quqyq qorǵaý organdarynyń qyzmetkerleri, sportshylar, mádenıet jáne óner qaıratkerleri bar.
«Qazaqstannyń Eńbek Eri» ataǵy óndiriske sińirgen eńbegi úshin «Kazakhmys Smelting» JShS Jezqazǵan mys balqytý zaýytynyń balqytýshysy Á.Dospanovqa berildi. «Otan» ordenimen kórnekti mádenıet jáne óner qaıratkeri, kompozıtor, «Mýzart» tobynyń elimizde jáne shet elde tanylýy jolynda erekshe ról atqarǵan A.Qorazbaev marapattaldy. І dárejeli «Barys» ordeni «TNS-group» kontserni» zańdy tulǵalar birlestiginiń prezıdenti T.Jumaǵulovqa jáne akter N.Yqtymbaevqa; ІІ dárejeli «Barys» ordeni bilim salasynyń ardageri E.Mámbetqazıevqa, «Qazaqstan Respýblıkasy alpınızm jáne taýǵa órmeleý federatsııasy» zańdy tulǵalar birlestiginiń vıtse-prezıdenti Q.Ýálıevke; ІІІ dárejeli «Barys» ordeni «Novo-Prırechnoe» JShS dırektory V.Tıýrkınge, «Ardagerler uıymy» respýblıkalyq qoǵamdyq birlestigi Aqtóbe oblystyq fılıalynyń tóraǵasy S.Shańǵutovqa jáne basqalarǵa berildi. El damýyna eńbegi sińgen belgili ǵalymdar men mádenıet qaıratkerleri, óndiristik sala ókilderi «Parasat» ordenimen marapattaldy. Olardyń arasynda «Aqmaıa» sharýa qojalyǵynyń tóraǵasy D.Jumbekov, «A.Baıtursynuly atyndaǵy Til bilimi ınstıtýty» respýblıkalyq memlekettik kásipornynyń bas ǵylymı qyzmetkeri N.Ýálı, arheolog A.Podýshkın, «Qaraǵandy medıtsınalyq ýnıversıteti» KeAQ professory M.Túsipbekova, «Radýga» JShS bas dırektory D.Sharapaev jáne basqalary bar. «Qurmet» ordenimen «Ózenmunaıgaz» AQ kran mashınısi B.Dosqarın, Qaraǵandy oblystyq densaýlyq saqtaý basqarmasynyń «Kópbeıindi oblystyq balalar aýrýhanasy» KMK bólimshe meńgerýshisi E.Kalmbah, Soltústik Qazaqstan oblysyndaǵy «Astyq-STEM» JShS bas agronomy T.Hamıdýllın, «Zdorovaıa Azııa» onkologııalyq aýrýlardy qoldaý jónindegi qoǵamdyq qorynyń negizin qalaýshy N.Plohıh, Qyzylorda oblysyndaǵy «Qamqorlyq» ońaltý ortalyǵynyń basshysy A.Musafırova, Atyraý oblysyndaǵy sý sharýashylyǵynyń ardageri N.Qonas, Aqtóbe oblysynyń «Kópsalaly oblystyq balalar aýrýhanasy» MKK balalar dárigeri B.Medetbaev jáne basqalary marapattaldy. Qoǵamdyq kelisimdi jáne ultaralyq qatynastardy nyǵaıtýǵa qosqan úlesi úshin «El birligi» ordenine «Almaty qalasynyń Túrikmen qoǵamdyq-mádenı ortalyǵy» qoǵamdyq birlestiginiń qurmetti tóraǵasy G.Annakýlıeva, Qaraǵandy oblysy «Sheshen-ıngýsh „Vaınah“ etnomádenı birlestigi» qoǵamdyq birlestiginiń tóraǵasy Ý.Djanaev, «Vozrojdenıe» Qazaqstandyq nemisterdiń birlestigi» qoǵamdyq qorynyń atqarýshy dırektory D.Redler, «Tamos Space School» JShS muǵalimi D.Romaşenko ıe boldy.
Ónerkásip, kólik, qurylys, aýyl sharýashylyǵy jáne basqa da óndiristik sala eńbekkerleri III dárejeli «Eńbek Dańqy» ordeniniń kavaleri atandy. «Qazaqstannyń eńbek sińirgen qaıratkeri» qurmetti ataǵy mádenıet salasynyń kórnekti ókilderi B.Báımenge, T.Músilimge, P.Paltaevqa, M.Saılanbekke, A.Temkınaǵa jáne basqa da tulǵalarǵa berildi. «Qazaqstannyń eńbek sińirgen ustazy» ataǵyna pedagogter jáne bilim berý salasynyń ókilderi N.Karanda, K.Májıtova, E.Omarhanov, N.Safıýllına, «Qazaqstannyń halyq ártisi» ataǵyna óner qaıratkerleri T.Musabaev, N.Óteýlov laıyq dep tanyldy. Birqatar medıtsına qyzmetkeri, sonyń ishinde T.Sharmanov atyndaǵy Ulttyq medıtsınalyq ýnıversıtettiń professory T.Tarkına «Qazaqstannyń eńbek sińirgen dárigeri» qurmetti ataǵynyń ıegeri atandy. Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, ulttyq qaýipsizdikti nyǵaıtýda kórsetken erligi men janqııarlyǵy úshin áskerı qyzmetshiler jáne quqyq qorǵaý organdary ókilderiniń bir toby І, ІІ dárejeli «Dańq» ordenderimen, І, ІІ, ІІІ dárejeli «Aıbyn» ordenderimen, «Erligi úshin», sondaı-aq «Jaýyngerlik erligi úshin» medaldarymen marapattaldy. Barlyǵy 129 eńbek ardageri, ónerkásip, kólik, qurylys, aýyl sharýashylyǵy jáne basqa da salalardyń 473 jumysshysy, shaǵyn jáne orta bıznestiń 200-den astam ókili, 150-den asa pedagog pen ǵalym, 120-ǵa jýyq medıtsına qyzmetkeri, sondaı-aqkúndelikti eńbegimen el damýynaúles qosyp júrgen ózge de azamattar memlekettik nagradalarǵa ıe boldy.
