Prezıdent respırator men gaztutqy shyǵaratyn zaýytqa bardy
ASTANA. KAZINFORM - Memleket basshysy Qasym-Jomart Toqaev MFA International kompanııasynyń elordadaǵy kásipornyn aralap kórdi, dep habarlaıdy Aqordanyń baspasóz qyzmeti.
Bul –ındýstrııalyq respırator men gaztutqy shyǵarýda Túrkııadaǵy eń iri jáne Eýropadaǵy úshtikke enetin kompanııa.
2020 jyly pandemııanyń sharyqtaý shaǵynda MFA Maske kompanııasy qyzmet aýmaǵyn keńeıtý jóninde sheshim qabyldap, Qazaqstanǵa ınvestıtsııa quıǵan bolatyn.
Astanada medıtsınalyq, ónerkásiptik respıratorlar, gazǵa qarsy ýlanýdan, sondaı-aq hımııalyq, bıologııalyq, radıologııalyq jáne ıadrolyq qaterden saqtaıtyn gaztutqy shyǵaratyn zaýyt qurylysyn bastady. Joba quny – 10 mıllıon dollar. Kompanııanyń jeke ınvestıtsııasy esebinen salynyp jatyr.
Osyǵan deıin Qasym-Jomart Toqaevtyń Bekzat Sattarhanov atyndaǵy sport keshenin aralap kórgeni týraly jazdyq.
