Prezıdent Reseıdiń Qazaqstandaǵy elshisi Alekseı Borodavkındi qabyldady
ASTANA.KAZINFORM - Qasym-Jomart Toqaev Reseıdiń Qazaqstandaǵy elshisi Alekseı Borodavkındi qabyldady. Bul týraly Aqordanyń baspasóz qyzmeti habarlady.
Memleket basshysy birlesken kúsh-jigerdiń arqasynda Qazaqstan men Reseı arasyndaǵy kópjosparly yntymaqtastyq barlyq baǵytta damyp, saıası dıalog buryn-sońdy bolmaǵan qarqyndy sıpat alǵanyn atap ótti.
Qazaqstan Prezıdenti jýyrda Reseı Federatsııasyna jasaǵan memlekettik saparynyń jáne Vladımır Pýtınmen júrgizgen kelissózderdiń tabysty ótkenine basa nazar aýdaryp, onyń nátıjesi jan-jaqty strategııalyq seriktestik jáne odaqtastyq qarym-qatynastarǵa aıtarlyqtaı serpin bergenine toqtaldy.
Aıta keteıik, Prezıdent Qasym-Jomart Toqaev Reseıge jasaǵan memlekettik saparynyń qorytyndysy boıynsha Vladımır Pýtınge rızashylyǵyn bildirdi.