Prezıdent: Reseıden kelgen ınvestıtsııa aǵyny bıyl 45 paıyzǵa ósti
ASTANA. KAZINFORM — Memleket basshysy Reseı Qazaqstannyń basty ınvestıtsııalyq seriktesteriniń biri retinde sońǵy 20 jylda elimizdiń ekonomıkasyna 30 mıllıard dollardan astam qarjy salǵanyna toqtaldy. Bul týraly Aqorda málim etti.
— Bul salada oń qarqyn baıqalady: bıylǵy birinshi toqsanda Reseıden kelgen ınvestıtsııa aǵyny 45 paıyzǵa ulǵaıdy. ıAǵnı, bes aıdaǵy kólemi 773 mıllıon dollardy qurady. Kópjyldyq ózara tıimdi yntymaqtastyq nátıjesinde qazir Qazaqstan ekonomıkasynyń túrli salasynda reseılikterdiń úlesi bar 20 myńnan asa kásiporyn tabysty jumys isteýde. Sonymen qatar Reseıdegi qazaqstandyq bıznestiń pozıtsııasy nyǵaıyp keledi. Reseı ekonomıkasyna quıylǵan qarjymyz 9 mıllıard dollardan asty. Ekonomıkalyq kún tártibinde ónerkásip salasyndaǵy seriktestiktiń alar orny erekshe. Elderimiz 177 iri jobadan turatyn tizim jasaqtady. Investıtsııanyń jalpy kólemi 52 mıllıard dollardan asady. Onyń 122-i iske asyrylyp, 30 myńnan astam jumys orny ashyldy, — dedi Memleket basshysy.
Qasym-Jomart Toqaevtyń pikirinshe, «Rosatom» bastaǵan halyqaralyq konsortsıýmnyń qatysýymen Qazaqstanda alǵashqy atom elektr stantsııasyn salý jobasy bolashaqqa baǵdarlanǵan ekijaqty yntymaqtastyqtyń strategııalyq sıpatqa ıe bolǵanyn kórsetedi. Budan bólek, Memleket basshysy ǵarysh salasyndaǵy yntymaqtastyq ta ózara is-qımyldyń basym baǵyty ekenin atap ótti.
— Bıyl sáýir aıynda «Soıýz-5» zymyran tasyǵyshy alǵash ret ushyryldy. Bul eleýli ýaqıǵa ǵylymı, ınjenerlik, óndiristik múmkindikterin toǵystyrsa, Qazaqstan men Reseı túrli saladaǵy órshil bastamalardy júzege asyra alatynyn anyq kórsetti. Qazaqta «Birlik bar jerde tirlik bar» degen maqal bar. «Gde lad, tam ı klad» degen orystyń naqyl sóziniń maǵynasy osyǵan jaqyn. Myzǵymas dostyq pen tatý kórshilik baılanystarǵa, ózara senim men qoldaýǵa, bir-birimizdiń múddemizdi eskerýge negizdelgen qarym-qatynas baýyrlas halyqtardyń ál-aýqatyn arttyrýda jańa belesterdi baǵyndyrýǵa jol ashatynyna senimdimin, — dedi Prezıdent.
Aıta keteıik, Prezıdent Qazaqstan–Reseı óńiraralyq yntymaqtastyq forýmyna qatysý úshin Ombyǵa bardy.
