Prezıdent Reseı musylmandary qaýymynyń ókilderimen kezdesti

NUR-SULTAN. QazAqparat - Álemdik jáne dástúrli dinder kóshbasshylarynyń VII sezi aıasynda Qazaqstan Prezıdenti Qasym-Jomart Toqaev Reseı musylmandary dinı basqarmasynyń tóraǵasy Ravıl Gaınýtdınmen jáne Tatarstan musylmandary dinı basqarmasynyń tóraǵasy Kamıl Samıgýllınmen kezdesý ótkizdi, dep habarlaıdy Aqorda.

Memleket basshysy Sezdiń bıik maqsattary men mindetterin ilgeriletýge belsene atsalysqany úshin olarǵa rızashylyǵyn bildirdi.

Qasym-Jomart Toqaev bıyl aqpan aıynda óziniń Tatarstanǵa saparyn eske aldy jáne olardy Edil Bulǵarııasynyń ıslamdy qabyldaǵanyna 1100 jyl tolýymen quttyqtady.

Onyń aıtýynsha, bul tarıhı oqıǵanyń Tatarstan musylmandary jamaǵaty men Reseıdiń barsha kópkonfessııaly halqy úshin mańyzy zor. Prezıdent VII sezdiń kúrdeli kezeńde ótip jatqanyn atap ótip, halyqaralyq qoǵamdastyqty biriktirý úshin konfessııaaralyq dıalogty nyǵaıtý mańyzdy ekenin aıtty. Ravıl Gaınýtdınov pen Kamıl Samıgýllın kezdesý ótkizgeni úshin Qasym-Jomart Toqaevqa alǵys aıtyp, VII sezdiń uıymdastyrylý deńgeıin joǵary baǵalady.

Foto: akorda.kz