Prezıdent Reseı, Qytaı jáne Ortalyq Azııa elderimen yntymaqtastyq týraly pikir bildirdi
«Bizdiń syrtqy saıasatymyzdyń basym baǵyty Reseı Federatsııasy bolyp qala beredi. Biz barlyq salalar men baǵyttar boıynsha strategııalyq seriktestikti odan ári nyǵaıtýǵa tyrysamyz. Qytaı Halyq Respýblıkasymen kópqyrly strategııalyq seriktestikti damytý Qazaqstan úshin asa mańyzdy. Memleketimiz Qytaıdyń «Bir beldeý, bir jol» atty aýqymdy bastamasyn qoldaıdy jáne osy jobaǵa belsendi túrde qatysýda», - dedi Memleket basshysy Qazaqstanda akkredıttelgen shet elderdiń dıplomatııalyq mıssııalarynyń basshylarymen kezdesýde.
Sonymen birge, Prezıdent Ortalyq Azııa óńirindegi yntymaqtastyq jóninde aıtyp berdi.
«Qazaqstan Ortalyq Azııa elderimen ekijaqty yntymaqtastyqty odan ári damyta beredi. Mysaly, jaqyn arada Ózbekstanmen birqatar mańyzdy jobalar iske asyryldy. Kún tártibindegi basqa da máseleler ýaqtyly sheshilmek. Barshamyz bul óńirdiń turaqty, ekonomıkalyq turǵyda ornyqty jáne qaýipsiz damýyna múddelimiz. Birer kúnnen keıin Tashkentte Ortalyq Azııa elderi konsýltatıvtik jumys kezdesýiniń otyrysy ótpek. Erteń men Qyrǵyzstanǵa memlekettik saparmen attanamyn. Kelissózder barysynda birqatar mańyzdy máseleler talqylanady», - dedi Qasym-Jomart Toqaev.
