Prezıdent: Reseı – Qazaqstannyń mańyzdy saýda-ekonomıkalyq jáne ınvestıtsııalyq seriktesi

MÁSKEÝ. KAZINFORM – Qasym-Jomart Toqaev Reseıdi Qazaqstannyń mańyzdy saýda-ekonomıkalyq jáne ınvestıtsııalyq seriktesi dep atady. Bul týraly Aqordanyń baspasóz qyzmeti habarlady. 

Memleket basshysy óz kezeginde negizgi kórsetkishterge toqtaldy.  

– 2024 jyldyń qortyndysy boıynsha taýar aınalymy shamamen 28 mıllıard dollardan, al bıylǵy 8 aıda 17 mıllıard dollardan asty. Basty mindet – ekijaqty saýda kólemin 30 mıllıard dollarǵa deıin jetkizý.

Reseıden Qazaqstan ekonomıkasyna quıylǵan tikeleı ınvestıtsııa kólemi 27 mıllıard dollardan asty.

2024 jyly Reseıdiń salǵan kapıtal kólemi rekordtyq 4 mıllıard dollarǵa deıin ósip, elimizdiń iri ınvestoryna aınaldy.

Qazaqstannyń Reseıge quıǵan ınvestıtsııasy da artyp, 15 jylda shamamen 9 mıllıard dollarǵa jetti.

Qazaqstanda reseılikterdiń qatysýymen 20 myńnan asa kompanııa jumys isteıdi. Bul – elimizde qyzmet etetin sheteldik kapıtaly bar kásiporyndardyń jartysyna jýyǵy.

175 birlesken joba júzege asyrylyp jatyr. Taraptar iskerlik baılanystardyń joǵary deńgeıin odan ári qoldaýǵa jáne bıznes júrgizýge qajetti jaǵdaı jasaýǵa ýaǵdalasty. Osy maqsatta Ekonomıkalyq yntymaqtastyqtyń 2030 jylǵa deıingi keshendi baǵdarlamasy qabyldandy, - dedi Prezıdent Qasym-Jomart Toqaev. 

Eske sala keteıik, osyǵan deıin Qasym-Jomart Toqaev pen Vladımır Pýtın kelissózder qorytyndysy boıynsha Qazaqstan Respýblıkasy men Reseı Federatsııasynyń memleketaralyq qarym-qatynasyn jan-jaqty strategııalyq seriktestik jáne odaqtastyq deńgeıine deıin jetkizý jónindegi deklaratsııaǵa qol qoıǵanyn jazǵan edik.