Prezıdent reformalarǵa kedergi keltiretin bastyqtar qyzmetinen ketetinin qadap aıtty
ASTANA. QazAqparat - Іshki ister mınıstrliginen jergilik polıtsııa qyzmetin bólip shyǵarý ońaıǵa soqqan joq.
Bul týraly búgin Respýblıka sýdıalarynyń VII sezinde Qazaqstan Prezıdenti Nursultan Nazarbaev málim etti, dep habarlaıdy QazAqparat.
«Barlyq «100 qadam» oryndalýy tıis. Ońǵa-solǵa eshqandaı da burylystyń bolýyna jol bermeımin. Men muny barlyǵyna aıtyp otyrmyn. Taıaýda barlyq memlekettik organdar barlyq tarmaqtar boıynsha ne istelgeni, nege qol jetkizilgeni tyńdalatyn bolady. Biraq, baǵdarlamany oryndaı otyryp, quqyq qorǵaý organdarynyń kadrlyq jumystaryn jetildirý de mańyzdy mindet. Qazir quzirettilik ádisi negizinde quqyq qorǵaý qurylymdary qyzmetkerlerin irikteý júıesi jaqsartylýda. Jergilikti bılik organdaryna, jergilikti qoǵamdastyqqa baǵynyshty jergilikti polıtsııa qyzmeti qurylyp, jumys isteýde. Іshki ister mınıstrligine muny jasatý ońaıǵa túsken joq. Mine osylaı jabysyp alady. Astanada otyryp, búkil Qazaqstanda eshkimge eshteńe bermesten basqarady. Bólgennen keıin de taǵaıyndaýdy jalǵastyryp keledi. ıAǵnı, men belgilegen reformalar eger bastyqtar Astanada bolyp, ózgeleri munymen aınalysa alsa, ózderi buǵan yntaly bolsa ǵana ilgerileı alady. Eger, bulaı bolmasa, onda bul reformalardyń sońyna deıin júrgizý úshin bizge olardy aýystyrý qajet bolady», - dedi Nazarbaev.
QR Prezıdenti polıtsııa qyzmetiniń ashyqtyǵyn qamtamasyz etý úshin qoǵamdyq keńester qurylǵanyn atap ótti. Onda ádep normasyn buzǵan polıtsııalardyń is-áreketterine qatysty shaǵymdar qaralady.
«Polıtsııa kómekke muqtajdarǵa keletin, adamnyń dosyna aınalýy qajettigine jaıynda bolyp otyr. Adamdar polıtsııaǵa senim artýy qajet. Mine, áńgime osy tóńireginde bolyp otyr. Qazir qoǵamnyń polıtsııa jumysy tıimdiligin baǵalaı alatyn «Qylmystyq quqyqbuzýshylyq kartasy» ınternet-portaly jumys isteıdi», - dedi Elbasy.
