Prezıdent «Qazaqstan Barysy – 2026» jeńimpazyn quttyqtady
ASTANA. KAZINFORM — Memleket basshysy Qasym-Jomart Toqaev Jantilek Nurtilepulyn «Qazaqstan Barysy – 2026» týrnırindegi aıqyn jeńisimen quttyqtady. Bul týraly Prezıdenttiń keńesshisi – Baspasóz hatshysy Aıbek Smadııarov jazdy.
— Prezıdent bul jetistik sportshynyń jeńiske degen erik-jigeri men ozyq sheberliginiń aıqyn kórinisi ekenin atap ótti. Sonymen qatar Memleket basshysy mundaı bedeldi básekeler halqymyzdyń biregeı dástúrlerin jańǵyrtyp, óskeleń urpaqty ulttyq sport túrlerimen aınalysýǵa yntalandyratynyna nazar aýdardy, — delingen jazbada.
Aıtak keteıik, buǵan deıin Prezıdent Qasym-Jomart Toqaev memlekettik nagradalar tizimine «Shámshi Qaldaıaqov» medali men «Qazaqstannyń eńbek sińirgen sýretshisi» qurmetti ataǵyn engizý týraly sheshim qabyldaǵanyn jazdyq.
