Prezıdent Pýtınge qońyraý shaldy: taraptar aldaǵy birlesken is-sharalardy qarastyrdy
ASTANA. KAZINFORM — Qasym-Jomart Toqaev Vladımır Pýtındi týǵan kúnimen quttyqtap, jaýapty memlekettik qyzmetine tabys tiledi. Bul týraly Aqordanyń baspasóz qyzmeti málim etti.
— Qazaqstan Prezıdenti Reseıdiń órkendeýi jáne halqynyń ıgiligi jolyndaǵy Vladımır Pýtınniń aıryqsha róli men tabandy eńbegin atap ótti. Memleket basshysy Reseı Prezıdentiniń eki el arasyndaǵy strategııalyq seriktestik pen odaqtastyq qatynastardy nyǵaıtýǵa zor úles qosqanyna toqtaldy, — delingen habarlamada.
Sondaı-aq taraptar aldaǵy birlesken is-sharalar kestesin qarastyrdy.
Aıta keteıik, buǵan deıin Prezıdent Qasym-Jomart Toqaev Aqordada Ulybrıtanııanyń Saýda jónindegi memlekettik mınıstri, lord Anas Sarvarmen kezdesti.
