Prezıdent Pýtın resmı túrde ajyrasty
ASTANA. QazAqparat - Reseı prezıdentiniń resmı saıtyndaǵy «Ǵumyrnama» bóliminde Vladımır Pýtınniń jubaıy Lıýdmıla jaıly aqparat alynyp tastalǵan, onda tek olardyń Marııa jáne Katerına esimdi qyzdary jaıly jazylǵan.
«Bul olardyń ajyrasqanyn bildiredi», - dedi saıttaǵy ózgeristerge baılanysty túsinikteme bergen memleket basshysynyń baspasóz hatshysy Dmıtrıı Peskov.
Reseılik BAQ ózgeristerdiń engizilýin 1 sáýir kúni jarııalanatyn memlekettiń joǵary shendi tulǵalary men olardyń otbasy músheleriniń tabystary jaıly deklaratsııaǵa baılanysty dep boljaǵan.
2013 jyldyń maýsymynda Reseıde «otbasy jyly» dep jarııalanyp, Vladımır men Lıýdmıla Pýtınder ózderiniń ajyrasatyny jaıly málimdedi.
30 jyl boıǵy otbasylyq ómirden keıin erli-zaıyptylar ajyrasatyny jaıly Kremldegi balet spektaklinen keıin habarlaǵan.
«Biz eshqashan bir-birimizdi kórmeımiz deýge bolady, sol sebepti bizdiń nekemiz ekige bólinbek. Vladımır Vladımırovıch tolyqtaı jumysqa berilgen, bizdiń balalarymyz ósti, olardyń árqaısysynyń óz ómirleri bar. Men kópshilik aldyna shyqqandy jaqtyrmaımyn, al únemi saparda júrý men úshin qıyn», - dedi sol kezde bul sheshimge baılanysty Lıýdmıla Pýtına.
