14:03, 12 Qazan 2022 | GMT +6
Prezıdent professor Naým Shaferdiń qazasyna baılanysty kóńil aıtty
ASTANA. QazAqparat – Prezıdent professor Naým Shaferdiń týystary men jaqyndaryna kóńil aıtý jedelhatyn joldady, dep habarlaıdy QazAqparat Aqordaǵa silteme jasap.
Memleket basshysy Qasym-Jomart Toqaev Qazaqstan Respýblıkasynyń eńbek sińirgen qaıratkeri, kórnekti mýzykatanýshy, fılolog, professor Naým Grıgorevıch Shaferdiń qaıtys bolýyna baılanysty kóńil aıtty.
«Naým Grıgorevıch úlken ómir jolynan ótti. Artyna biregeı ádebı-mýzykalyq mura qaldyrdy. Shákirt tárbıelegen ulaǵatty ustaz boldy. Ol búkil sanaly ǵumyryn myńdaǵan mýzykalyq shyǵarma men kitapty, sonyń ishinde qazaq halyq áýenderiniń jazbalaryn jınaýǵa arnady. Naým Grıgorevıchtiń jarqyn beınesi bizdiń júregimizde máńgi saqtalady», - dep jazylǵan jedelhatta.
