Prezıdent Astana ınfraqurylymyn basqarýda AІ paıdalanýdy qoldaıdy
ASTANA. KAZINFORM - Memleket basshysy Presight.AI kompanııasynyń basqarma tóraǵasy Tomas Pramotedhamdy qabyldady, dep habarlaıdy Aqordanyń baspasóz qyzmeti.
Kezdesý barysynda Qazaqstanda ónimdiligi joǵary esepteý, tsıfrlyq transformatsııa jáne ozyq tehnologııalardy engizý baǵytyndaǵy yntymaqtastyqty odan ári nyǵaıtý máseleleri qarastyryldy.
Prezıdent tsıfrlyq ınfraqurylymdy damytýdyń mańyzyn atap ótip, elimizde sýperkompıýter klasteriniń negizin qalaý strategııalyq mánge ıe ekenine toqtaldy.
Tomas Pramotedham Qasym-Jomart Toqaevqa atalǵan jobanyń júzege asyrylýy jóninde málimet berdi.
Tehnologııany lokalızatsııalaý jáne qazaqstandyq kompanııalardy birlesken jobalarǵa tartý máselelerine aıryqsha nazar aýdaryldy. Presight.AI basqarma tóraǵasy otandyq IT-kompanııalardyń biliktilik deńgeıin joǵary baǵalady jáne olarmen uzaqmerzimdi seriktestik qurýǵa qatysty nıetin rastady.
Sonymen qatar Astana ákimdigimen birlese atqarylatyn Smart City jobasy talqylandy.
Memleket basshysy qala ınfraqurylymyn basqarý isine jasandy ıntellekt sheshimderin paıdalanýǵa qoldaý bildirdi. Atap aıtqanda, Alem.AI halyqaralyq jasandy ıntellekt ortalyǵynyń bazasynda qala qyzmetteriniń tıimdiligin arttyratyn ahýal ortalyǵy qurylmaq.
Qasym-Jomart Toqaev elimizdiń tsıfrlyq transformatsııasyna jáne tehnologııalyq órleýine septigin tıgizetin negizgi bastamalar aıasyndaǵy yntymaqtastyqty jalǵastyrý mańyzdy ekenin aıtty.
Osyǵan deıin Qasym-Jomart Toqaevtyń Býrabaıda ótetin Ulttyq quryltaıdyń IV otyrysyna qatysatynyn habarladyq.