Prezıdent Premer-Mınıstr Oljas Bektenovti qabyldady

ASTANA. KAZINFORM - Memleket basshysy Premer-Mınıstr Oljas Bektenovti qabyldady, dep habarlaıdy Aqordanyń baspasóz qyzmeti.

Prezıdentke elimizdiń qazirgi áleýmettik-ekonomıkalyq jaǵdaıy jáne ekonomıkanyń ósimin qamtamasyz etý jospary týraly baıandaldy.

Premer-Mınıstr Oljas Bektenov Memleket basshysyna otandyq taýar óndirýshilerdi qoldaýdy kúsheıtý úshin qabyldanyp jatqan sharalar jaıynda málimet berdi. Qazaqstandyq ónimderdiń úlesin arttyrý maqsatynda memlekettik organdardyń, jer qoınaýyn paıdalanýshylar men kvazımemlekettik sektordyń satyp alý rásimderin jetildirý jumystary bastaldy.

Memleket basshysynyń tapsyrmasy boıynsha ónerkásiptiń perspektıvti salalaryn qarqyndy túrde damytýǵa erekshe nazar aýdarylyp jatyr.

Sonymen qatar Prezıdentke Zańsyz ıemdenilgen aktıvterdi memleketke qaıtarý máseleleri jónindegi komıssııanyń jumysy týraly aıtyldy.

Kezdesý sońynda Qasym-Jomart Toqaev elimizdi áleýmettik-ekonomıkalyq turǵydan odan ári damytý jóninde birqatar tapsyrma berdi.