Prezıdent poshtasynan: Halyq óziniń bolashaq taǵdyryn Táýelsiz Qazaqstannyń irgesin qalaǵan asa kórnekti tarıhı tulǵa - N.Á.Nazarbaevpen tikeleı baılanystyratynyn taǵy da dáleldedi
ASTANA. 14 sáýir. QazAqparat. Memleket basshysy N.Nazarbaevtyń atyna prezıdenttik saılaýdaǵy jeńisimen quttyqtaǵan jedelhattar men hattar tolassyz kelip túsýde, dep habarlaıdy Elbasynyń baspasóz qyzmeti.
Qazaqstan Jazýshylar odaǵy basqarmasynyń tóraǵasy N.Orazalınniń quttyqtaýynda: «Memleketimizdiń eń úlken saıası dodasynda úlken qajyr-qaırat, asqan jaýapkershilik tanytý arqyly halyq óziniń bolashaq taǵdyryn Táýelsiz Qazaqstannyń irgesin qalaǵan asa kórnekti tarıhı tulǵa - N.Á.Nazarbaevpen tikeleı baılanystyratynyn taǵy da dáleldedi», dep atap kórsetilgen.
Eki mıllıonnan astam múshesi bar kásipodaq músheleriniń atynan joldaǵan hatynda QR Kásipodaqtary Federatsııasynyń tóraǵasy S.Muqashev Elbasynyń basshylyǵymen qoǵamdyq ómirdi demokratııalandyrý jalǵasyn tabatynyna, tatýlyq pen kelisimniń qamtamasyz etiletindigine, Qazaqstannyń áleýmettik-ekonomıkalyq qatynastary nyǵaıa túsip, halyqtyń ál-aýqatynyń jaqsaratynyna senim bildiredi. Mundaı mazmundaǵy hattardy sondaı-aq QR Kásipodaqtar Federatsııasy Jastar Keńesiniń tóraǵasy D.Janataev, «Nazarbaev Zııatkerlik mektepteri» ujymynyń atynan K.Shámshıdınova, Abaı atyndaǵy QUPÝ Jastar isi jónindegi komıtetiniń tóraǵasy M.Ýshatov, Almatydaǵy «Sporttaǵy daryndy balalarǵa arnalǵan mamandandyrylǵan mektep-ınternat» ujymy joldaǵan.
Abaı atyndaǵy Qazaq ulttyq pedagogıkalyq ýnıversıtetiniń rektory, professor S.Pirálıev Elbasynyń jasampazdyq qyzmetine zor tabys tilese, osy oqý ornynyń ǵalymdary atynan hat joldaǵan akademıkter N.Mamyrov, Ǵ.Ýálıev, professorlar K.Náribaev, S.Kenjebaev, M.Myrzahmetov, E.Kýznetsov, M.Qoıgeldıev jáne eńbek ardageri S.Jumabaev: «Sizdeı Ult Kóshbasshysyna degen halyqtyń rızashylyǵy sheksiz. Bul Ózińiz kóshin bastaǵan eldiń senimi», dep ıgi tilekterin bildirgen.
Elbasyn saılaýdaǵy jeńisimen quttyqtaǵandar arasynda N.Shotaev, J.Qulbaıymbetov, N.Nazarov, S.Eleýov, N.Ryskeldıeva, Sh.Baıkenjeev, M.Handillaev, M.Doırabaı, R.Berdibaev, B.Naqypov, t.b. túrkistandyqtar bar. Al professor Ó.Ozǵanbaev quttyqtaýynda: «Álem jurtshylyǵy saılaý qorytyndysyna joǵary baǵa berýde. Sizdiń bul tarıhı jeńisińiz týǵan halqyńyzdyń, Qazaqstan halqynyń erik-jigeriniń jeńisi» dep aǵynan jarylady. Osyndaı izgi tilekke toly hattar A.Jazylbekova, A. Maratqyzy, Z.Berekeqyzy, N.Eralyqyzy, N.Asanova, K.Ábdikárimov, T.Toqtarova, M.Bekenov, E.Sharıphanov, Á.Muqashev, L.Aqparov, D.Lepsibaev, Á.Káripjanov, R.Danııarov, S.Aqyshev, T.Núrekenov, A.Qubasheva, Á.Qoshqarov, E.Nábı, Ǵ.Jeńis, Sh.Qajyǵalıev jáne Ababıevtar otbasynan keldi. ShQO Tarbaǵataı aýdandyq «Tarbaǵataı» gazeti men «Semeı tańy» gazetiniń ujymdary, «METRO AG» jáne «METRO Cash Carry International» kompanııalary basqarma tóraǵalary E.Kordes pen F.Mýller Elbasyn saılaýdaǵy jeńisimen quttyqtap, aqjoltaı tilekterin bildirgen.
