Prezıdent plastmassa buıymdaryn shyǵaratyn zaýytqa bardy
2018 jyly negizi qalanǵan «Biryńǵaı shoǵyrlandyrý ortalyǵy» JShS rezeńke jáne plastmassa buıymdaryn óndiredi, dep habarlaıdy Kazinform.
Aqordanyń jelidegi resmı paraqshasynyń jazýynsha, kásiporyn jyl saıyn 72 mıllıon baqylaý-ındıkator plombalary men ózdiginen jabysatyn leıblder, sondaı-aq mal sharýashylyǵynda qoldanylatyn 24 mıllıon dana syrǵa shyǵarady.
«Ýnıversal» JShS kompanııalar tobyna kiretin «Biryńǵaı shoǵyrlandyrý ortalyǵy» polıpropılen qaptaryn shyǵaratyn zaýytty, sondaı-aq Qazaqstannyń ózge de óńirlerinde krahmal jáne krahmaldyń qantqa aınalyp úlgermegen túrin óndiretin iri óndiris ornyn basqarady.
Qazirgi ýaqytta Túrkistan oblysynyń Shardara qalasynda júgeri dánin tereń óńdeý jobasyn júzege asyrý josparlanyp otyr. Zaýyttyń qýaty jylyna 150 myń tonnany quraıdy.
Kompanııalar toby 80-nen astam ónim túrin shyǵarady. Munda 3400 adam jumys isteıdi. Salynǵan ınvestıtsııa kólemi – 60 mıllıard teńge.
