Prezıdent «PetrolValves Kazakhstan» JShS-niń jumysymen tanysty
Italııalyq «PetrolValves S.p.A» jáne qazaqstandyq «Merlion Development Group» JShS birikken kásiporyn munaı-gaz jáne energetıka ónekásibinde qoldanylatyn joǵary tehnologııalyq tıekti armatýralar, klapandar óndirýmen jáne olardy jóndeýmen aınalysady. Bul – Qazaqstanda joǵary tehnologııalyq klapandar óndiretin jáne servıstik qyzmet kórsetetin jalǵyz óndiris orny.
Kompanııa dırektory Dınar Hamıev bastapqy kezeńde «PetrolValves Kazakhstan» jylyna 500 klapan óndirýdi josparlap otyrǵanyn aıtty. Sondaı-aq atalǵan ortalyq ıtalııalyq seriktestiń patenttelgen Valve New Life baǵdarlamasyna sáıkes, jergilikti munaı-gaz kásiporyndaryna óndiristik protsesten qol úzbeı servıstik qyzmet kórsetedi.
Aldaǵy ýaqytta kásiporyn amerıkalyq munaı ınstıtýtynyń API 6D sertıfıkatyn alýdy jáne keıbir komponentterdi ózimizde óndirýdi, osylaısha ónimniń jergilikti quramyn 2024 jylǵa deıin 75 paıyzǵa deıin jetkizýdi josparlap otyr.
Joba «IMB Tsentr» halyqaralyq munaı-gaz salasyndaǵy mashına qurastyrýdy damytý ortalyǵynyń qoldaýymen júzege asyrylyp otyr. Jobaǵa 3 mıllıard teńge ınvestıtsııa quıylǵan. Qazirgi tańda kásiporynda 43 adam jumys isteıdi. Onyń 37-si – jergilikti turǵyndar.
