Prezıdent: Perspektıva turǵysynan Qazaqstanǵa ýaǵdalastyqty úzý - tıimsiz

NUR-SULTAN. QazAqparat – QR Prezıdenti Qasym-Jomart Toqaev Reseımen barlyq ekonomıkalyq ýaǵdalastyqtardyń saqtalatynyn aıtty, dep habarlaıdy QazAqparat tilshisi.

«Reseı Federatsııasy men Qazaqstan Respýblıkasy arasyndaǵy ekonomıkalyq yntymaqtastyqqa baılanysty barlyq ýaǵdalastyqtar óz kúshinde qalady. Biz jumys isteýdi jalǵastyramyz. Qazaqstan eshqandaı jaǵdaıda óziniń odaqtyq mindettemelerinen bas tartpaıdy», - dedi Qasym-Jomart Toqaev reseılik jýrnalıst Andreı Kondrashovqa bergen suhbatynda.

Prezıdenttiń pikirinshe, ýaǵdalastyqty úzý durys emes jáne perspektıva turǵysynan tıimsiz bolar edi.

Buǵan deıin Q. Toqaev Reseı men Batystyń sanktsııalyq teketiresi týraly aıtqan edi.

Sonymen birge Qasym-Jomart Toqaev saıası reformalardy ne úshin ótkizý qajettigin túsindirdi.