Prezıdent pen Túrikmenstan Halk Maslahatynyń Tóraǵasy Turkistan vızıt ortalyǵyna bardy
TÚRKІSTAN. KAZINFORM – Meımandarǵa kóne «Kúltóbe» qalashyǵynyń tarıhı kelbetin saqtaý jáne abattandyrý jobasy týraly málimet berildi. Bul týraly Aqordanyń baspasóz qyzmeti habarlady.
Qasym-Jomart Toqaev pen Gýrbangýly Berdimuhamedov tarıhı eskertkishti mýzeıge aınaldyrý barysymen tanysty. Qalashyqtyń 27 gektar aýmaǵynda arheologııalyq qazba jumystary aıaqtalǵan.
Sonymen qatar taıaýda ashylatyn «Qolónershiler qalashyǵynyń» tujyrymdamasy tanystyryldy. Onyń ishinde sheberhanalar, ulttyq taǵam túrlerin usynatyn oryndar, «Shyǵys bazary» jáne shaǵyn qonaq úıler ornalaspaq.
Osy oraıda bıyl 25 naýryzda Túrkistanǵa World Craft Council halyqaralyq uıymynyń sheshimimen «Qolónershiler qalasy» degen mártebe berilgenin atap ótken jón.
Budan bólek, vızıt ortalyqta Qazaqstan Prezıdenti men Túrikmenstannyń Ult kóshbasshysy Qoja Ahmet ıAsaýı kesenesindegi biregeı tarıhı jádigerlermen tanysty.