Prezıdent: Pavlodar búkil óńirdiń damý ortalyǵyna aınalýy kerek
ASTANA. QazAqparat – Pavlodardy búkil óńirdiń damý ortalyǵyna aınaldyrý – ákimdik pen Úkimet aldyndaǵy óte mańyzdy mindet. Bul týraly Memleket basshysy Qasym-Jomart Toqaev Pavlodar jurtshylyǵymen kezdesýinde aıtty, dep habarlaıdy QazAqparat Aqordaǵa silteme jasap.
«Pavlodar búkil óńirdiń damý ortalyǵyna, oblys halqynyń turaqty ál-aýqatyn jáne turmys sapasyn jaqsartýdyń qozǵaýshy kúshine aınalýy kerek. Meniń oıymsha, bul – ákimdik pen Úkimet aldynda turǵan óte mańyzdy mindet. Osy jerde Premer-Mınıstrdiń birinshi orynbasary Roman Vasılevıch Sklıar otyr. Ol – sizderdiń jerlesterińiz. Oǵan barlyq múmkindik beriledi. Pavlodar qalasynyń jáne búkil oblystyń damýyna atsalysyńyz», - dedi Prezıdent.
