Prezıdent partııalardyń teledebattaryna joǵary baǵa berdi
ASTANA. KAZINFORM – Memleket basshysy Qasym-Jomart Toqaev saılaýaldy naýqandaǵy partııalardyń saıası básekesi deńgeıin oń baǵalady.
Bul týraly Prezıdent Táýelsizdik saraıynda ótken BAQ ókilderimen brıfıngte pikir bildirdi.
– Men bul máselege oń baǵa bersem, qatelespeımin. Menińshe, saıası naýqan jaqsy ótti. Óte utymdy, mazmundy teledebattar boldy. Jastarymyz pikirtalastardy zor yqylaspen tamashalady. Oǵan bárimiz de kýá boldyq. Bul jańǵyrýymyzdyń jańa kezeńi ári qaryshty qadam boldy dep aıta alamyn, – dedi Qasym-Jomart Toqaev.
Aıta keteıik, búgin elimizdiń barlyq óńirinde Quryltaı depýtattaryn saılaý bastaldy. Daýys berý 10 423 saılaý ýchaskesinde ótedi.
Memleket basshysy Qasym-Jomart Toqaev Táýelsizdik saraıynda ornalasqan №520 saılaý ýchaskesinde daýys berdi.
Buǵan deıin Prezıdent «Vıtse-prezıdent kim bolady?» degen suraqqa jaýap bergen edi.
