Prezıdent «Paryz» gran-prıi men «Altyn sapa» syılyǵynyń júldegerlerin marapattady
Búgin elordada Memleket basshysy Qasym-Jomart Toqaev «Paryz» syılyǵynyń gran-prıi men «Altyn sapa» syılyǵynyń júldegerlerin marapattady, dep habarlaıdy Kazinform.
Shaǵyn jáne orta bıznes kásiporyndary arasynda «Paryz» syılyǵynyń gran-prı Qyzylorda oblysyndaǵy «Abaı Daýlet» JShS-na berildi.
Al iri bıznes salasynda bul júlde Baqyrshyq taý-ken óndirý kásipornyna tabystaldy.
Sonymen qatar, «Altyn sapa» syıylyǵynyń «Úzdik ındýstrııalyq joba» nomınatsııasy boıynsha Qostanaı oblysynyń «DEP» jaýapkershiligi shekteýli seriktestigi, «Úzdik ınnovatsııalyq joba» atalymynda Mańǵystaý oblysyndaǵy «CleanfieldKazakhstan» jaýapkershiligi shekteýli seriktestigi marapattaldy.
Budan buryn habarlanǵandaı, Prezıdent búgingi is-sharada Qazaqstan iri ónerkásiptik óndiristen bastap, shaǵyn servıstik jobalarǵa deıingi ekonomıkanyń barlyq salasyn odan ári tsıfrlandyrýǵa basa mán beretinin aıtty.
Memleket basshysy Qasym-Jomart Toqaev «Altyn sapa» jáne «Paryz» syılyqtarynyń laýreattaryn saltanatty túrde marapattaý rásimi aıasynda «Bir aýyl – bir ónim» jobasymen, sondaı-aq «Global Safety», «CleanField Kazakhstan», «Borusan Cat», «Med 365» jáne taǵy da basqa otandyq kompanııalardyń ónimderi qoıylǵan kórmemen tanysty.
