Prezıdent Pákistannyń Táýelsizdik kúnine oraı quttyqtaý jedelhattaryn joldady
ASTANA. KAZINFORM – Qasym-Jomart Toqaev Prezıdent Asıf Alı Zardarı men Premer-mınıstr Shahbaz Sharıfti Pákistannyń ulttyq merekesi – Táýelsizdik kúnimen quttyqtady. Bul týraly Aqordanyń baspasóz qyzmeti habarlady.
Memleket basshysy jedelhatynda ornyqty damý jolynda Pákistannyń aıtarlyqtaı tabysqa jetkenine toqtalyp, ekijaqty jáne halyqaralyq kún tártibiniń aýqymdy máseleleri boıynsha yntymaqtastyqty odan ári nyǵaıtýǵa udaıy beıil ekenin bildirdi.
Qazaqstan Prezıdenti Premer-mınıstr Shahbaz Sharıftiń elderimizdiń ózara yqpaldastyǵyna tyń serpin beretin Astanaǵa memlekettik saparyna erekshe den qoıyp otyrǵanyn atap ótti.
Qasym-Jomart Toqaev Asıf Alı Zardarı men Shahbaz Sharıftiń jaýapty qyzmetterine tabys, al dostas Pákistan halqyna qut-bereke tiledi.
