Prezıdent óziniń jáne mınıstrlerdiń jalaqysyn tómendetti
ASTANA. QazAqparat - Kenııa Prezıdenti Ýhýrý Kenıata úkimettik jalaqy qorynyń kólemin azaıtý maqsatynda óziniń jáne Mınıstrler kabıneti músheleriniń eńbekaqysyn tómendetý jaıynda málim etti.
Prezıdent pen vıtse-prezıdenttiń jalaqysy 20 paıyzǵa, al mınıstrlerdiń aılyǵy 10 paıyzǵa azaıtyldy.
Sonymen qatar Kenıata sheteldik saparlardy barynsha azaıtý josparlanyp otyrǵandyǵyn atap ótti.
Memleket basshysy buǵan qosa kenııalyq parlamenttiń múshelerin de osyndaı únemdeý sharalaryn engizýge shaqyrdy.
Baıqaýshylardyń sózine qaraǵanda, sheneýnikterdiń jalaqysy osy eldiń qoǵamynda eń kóp talqylanatyn taqyryptardyń biri.
Halyqaralyq qylmystyq sot Kenıata men vıtse-prezıdent Ýılıam Rýtony 2007 jylǵy prezıdenttik saılaýdan keıin Kenııada zorlyq-zombylyqtyń otyn jaqty dep aıyptaýda.
