Prezıdent otandyq qorǵanys ónerkásibinde shyǵarylatyn ónimder qataryn keńeıtýdi tapsyrdy

ASTANA. QazAqparat – Búgin elordada Búkilarmııalyq keńestiń otyrysynda Memleket basshysy Qasym-Jomart Toqaev otandyq qorǵanys ónerkásibiniń áleýetine qatysty tapsyrma berdi, dep habarlaıdy QazAqparat tilshisi.

«Armııamyzdyń tolyqqandy qaıta qarýlanýynda jáne jańǵyrtýda otandyq qorǵanys ónerkásiptik keshen mańyzdy ról atqarýy tıis. Úkimet áskerı ónimder men qyzmet túrlerin keńeıtý úshin barlyq is-sharalardy qabyldaýy kerek», - dedi Qasym-Jomart Toqaev.

Sonymen qatar Prezıdent áskerı tehnıka men múlikti zaýyttar deńgeıinde jóndeý múmkindikterin arttyrýdy tapsyrdy. Bul baǵytta elemizdegi tıisti óndiristerdiń áleýeti zor.

Budan buryn habarlanǵandaı, Memleket basshysy Qasym-Jomart Toqaevtyń qatysýymen ótetin Búkilarmııalyq keńestiń otyrysy bastaldy.

Qorǵanys mınıstri Rýslan Jaqsylyqov 250 áskerı qyzmetshi Afrıkadaǵy mıssııaǵa daıyndalyp jatqanyn aıtty.