Prezıdent óskeleń urpaqqa: Joldaryńyz kedir-budyrsyz bolmaıdy
«Óskeleń urpaq aǵa býynnyń tájirıbesin paıdalanyp, úmitin aqtaıdy dep senemin. Joldaryńyz kedir-budyrsyz bolmaıdy. Sondyqtan, kóp bilim alyp, rýhanı jaǵynan baıyp, naǵyz azamat retinde qalyptasý kerek. Ýaqyt tynysyn dóp basyp, zaman talabyna beıimdele bilgen jurt eshqashan utylmaıdy. Kez kelgen synaqqa daıyn turady. Biz kúsh-qýaty men qarym-qabileti saı kemel halyq bolýymyz kerek. Kúnde ózgerip jatqan qubylmaly kezeńde bul maqsatqa jetý kúrdeli ekeni anyq», - dedi Memleket basshysy.
Prezıdenttiń paıymynsha, qazir álemge turaqsyzdyq faktorlary áser etip tur.
«Onyń ústine pandemııaǵa baılanysty jańa syn-qaterler paıda bolýda. Biraq jurtymyz qıyndyqtyń bárin eńsere alatynyna senimim zor. Sebebi tuǵyry myzǵymas myqty memleketimiz bar. Damý jolymyzdy naqty nusqap turǵan strategııalyq maqsattarymyz bar. Elimiz óziniń sara jolynan aınymaı alǵa qadam basa beredi. Biz úshin Táýelsizdik bárinen qymbat.
Baǵa jetpes qundylyǵymyzdy qasterlep, qýatty Qazaqstandy damytý úshin bárimiz jumylyp, bir el bolyp aıanbaı eńbek eteıik. Jalpyulttyq mereıtoıymyz qutty bolsyn! Elimizdiń abyroıy asqaqtap, bedeli bıikteı bersin! Elbasymyz aman bolsyn! Qazaqstanymyz máńgi bolsyn», - dep túıindedi Qasym-Jomart Toqaev.
