Prezıdent: Óskeleń urpaqqa árdaıym jan-jaqty qoldaý kórsetemiz
QYZYLORDA. KAZINFORM – Jas urpaqtyń ulttyq biregeıligimizdi ónerimen aıshyqtap, ultymyzdy jahan jurtyna tanytýy – zor maqtanysh. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev aıtty.
- Qazirgi tańda jastar arasynda Qazaqstan órleý kezeńine qadam basty degen pikir bar. Jas býyn ókilderi jańa qoǵamdyq etıkany, kreatıvti ındýstrııany damytýǵa zor úles qosyp jatyr. Álem elderi qazirgi qazaq ónerin erekshe qubylys dep baǵalaıtyn boldy. Kıno salasy da damyp jatyr. Jas urpaqtyń ulttyq biregeıligimizdi ónerimen aıshyqtap, ultymyzdy jahan jurtyna tanytýy – zor maqtanysh. Jastardyń kúsh-qýaty men ynta-jigeri, jańashyldyǵy men jasampazdyǵy kez-kelgen salaǵa zor serpin beredi. Sondyqtan biz óskeleń urpaqqa árdaıym jan-jaqty qoldaý kórsetemiz. Olardyń ulttyq qundylyqtarmen qatar jańa zamannyń jaqsy qasıetterin boıyna sińirýine barynsha jaǵdaı jasaımyz, - dedi Qasym-Jomart Toqaev.
Aıta keteıik, sarapshylardan Konstıtýtsııa qurylysyna baılanysty 1500-den astam usynys túsken.
