Prezıdent «Ortalyq Azııa + Shyǵanaqtaǵy arab memleketteri» sammıtin tarıhı kezdesýge balady

ASTANA. QazAqparat – Memleket basshysy Qasym-Jomart Toqaevtyń «Ortalyq Azııa + Shyǵanaqtaǵy arab memleketteriniń yntymaqtastyq keńesi» birinshi sammıtin tarıhı kezdesýge balady, dep habarlaıdy QazAqparat tilshisi.

«Men, eń aldymen, Qos kıeniń saqshysy – Korol Salman ben Ábdelazız Ál Saýdqa jáne Saýd Arabııasynyń Taq murageri, Premer-mınıstri Muhammed ben Salmanǵa shynaıy alǵysymdy aıtamyn», - dedi Qasym-Jomart Toqaev.

Sondaı-aq, Prezıdent sammıttiń elder arasyndaǵy baýyrlastyqty nyǵaıtatynyn atap ótti.

«Búgin «Ortalyq Azııa + Shyǵanaqtaǵy arab memleketteriniń yntymaqtastyǵy keńesiniń» joǵary deńgeıdegi birinshi sammıtine qatysyp otyrǵanyma qýanyshtymyn. Bul – men úshin zor mártebe. Osy tarıhı kezdesý bárimiz úshin qasıetti jerde birlik pen ózara qoldaý jaǵdaıynda ótip jatyr. Sonyń arqasynda elderimizdiń baýyrlastyǵy jáne dostyǵy nyǵaıa túsetini sózsiz», - dedi Memleket basshysy.