Prezıdent Ortalyq saılaý komıssııasynyń tóraǵasy Nurlan Ábdirovti qabyldady

ASTANA. KAZINFORM - Memleket basshysy Qasym-Jomart Toqaev Ortalyq saılaý komıssııasynyń tóraǵasy Nurlan Ábdirovti qabyldady. Bul týraly Aqordanyń baspasóz qyzmeti habarlady. 

Prezıdentke Búkilálemdik saılaý kúni aıasynda elimizde ótkizilgen is-sharalar, 2024 jylǵy elektoraldy kompanııalardyń qorytyndylary, OSK qyzmetiniń qazirgi jaı-kúıi men aldaǵy jospary baıandaldy. 

Sonymen qatar Qasym-Jomart Toqaevqa saılaý komıssııasynyń halyqaralyq yntymaqtastyqty keńeıtý jónindegi bastamalary tanystyryldy. 

Eske sala keteıik, buǵan deıin Memleket basshysynyń Іshki ister mınıstri Erjan Sádenovti qabyldaǵanyn habarlaǵan edik.