Prezıdent: Ortalyq Azııa jáne Kavkaz aımaǵyndaǵy ekonomıkasy eń iri elmiz

TARAZ. KAZINFORM — Qasym-Jomart Toqaev Jambyl oblysy jurtshylyǵymen kezdesýi barysynda bıyl halyqaralyq kezdesýlerdiń nátıjesinde jalpy quny 70 mıllıard dollardan asatyn kommertsııalyq kelisimderge qol qoıylǵanyn aıtty.  

— Qazaqstan kórshilermen jáne barlyq múddeles memlekettermen dáıekti túrde dostyq qarym-qatynas pen jan-jaqty yntymaqtastyq ornatyp keledi.

Bizdiń maqsatymyz — aıqyn. Ol — eldiń egemendigin nyǵaıtý, Qazaqstannyń qaýipsizdigi men áleýmettik-ekonomıkalyq damýyn qamtamasyz etetin mindetterdi sheshý. Árbir sammıt, joǵary deńgeıdegi ár kezdesý, bıznes-forým elimizdiń halyqaralyq bedelin arttyryp, ekonomıkalyq áleýetin kúsheıtedi, — dedi Prezıdent.

Qasym-Jomart Toqaev qazir búkil álemde ınvestıtsııa úshin qyzý báseke júrip jatqanyn aıtty. 

— Bizge budan qalys qalýǵa bolýǵa bolmaıdy. Ortalyq Azııadaǵy jáne Kavkaz aımaǵyndaǵy ekonomıkasy eń iri el sanalamyz.

Alaıda Úkimetke sapaly ósimdi qamtamasyz etý mindeti júkteldi. Úkimet pen Ulttyq bank ózara kelise otyryp, qazirgideı kúrdeli, tipti, erekshe jaǵdaıda akademııalyqtan jáne ásiresaqtyqtan ada, naqty sheshim qabyldaýy qajet.

Tek bıyldyń ózinde halyqaralyq kezdesýlerdiń nátıjesinde jalpy quny 70 mıllıard dollardan asatyn kommertsııalyq kelisimderge qol qoıyldy. Sonyń arqasynda elimizde zamanaýı kásiporyndar ashylyp, sapaly jumys oryndary qurylýda, — dedi ol.

Aıta ketelik Toqaev elimizde áleýmettik salany damytý baǵytynda qolǵa alynǵan sharalarǵa toqtalǵan edi.