Prezıdent «Ortalyq Azııa – Reseı» sammıtine qatysý úshin Qabyldaýlar saraıyna bardy

ASTANA. KAZINFORM – Memleket basshysy «Ortalyq Azııa – Reseı» sammıtine qatysý úshin Dýshanbedegi Qabyldaýlar saraıyna bardy. Bul týraly Aqordanyń baspasóz qyzmeti habarlady.

Qasym-Jomart Toqaevty Tájikstan Prezıdenti Emomalı Rahmon qarsy aldy.

Memleket basshysy Tájikstan prezıdenti Emomalı Rahmonmen kezdesti.

Prezıdentter Qazaqstan men Tájikstannyń strategııalyq seriktestigin odan ári nyǵaıtýǵa beıil ekenderin rastady.

Taraptar buǵan deıin joǵary deńgeıde qol jetkizilgen ýaǵdalastyqtardy tolyq júzege asyrýdyń mańyzyna toqtaldy.

Sondaı-aq óńirlik jáne halyqaralyq kún tártibindegi ózekti máseleler jóninde pikir almasty.

Qasym-Jomart Toqaev Emomalı Rahmonǵa «Ortalyq Azııa – Reseı» sammıtin, sonymen qatar TMD memleketter basshylary keńesiniń otyrysyn tabysty ótkizýge tilektestik bildirdi.