Qasym-Jomart Toqaev OA Prezıdentteriniń Germanııa ekonomıkasy Shyǵys komıtetiniń múshelerimen kezdesýine qatysty
Prezıdent Ortalyq Azııa memleketteri basshylarynyń Germanııa ekonomıkasy Shyǵys komıtetiniń múshelerimen kezdesýine qatysty, dep habarlaıdy Aqordanyń baspasóz qyzmeti.
Qasym-Jomart Toqaev Ortalyq Azııa elderi men Germanııanyń ekonomıkalyq yntymaqtastyǵynyń negizgi máselelerine toqtaldy.
– Bizdiń aımaq – Eýrazııa keńistigin baılanystyrýshy biregeı strategııalyq ortalyq. Negizgi saýda-ekonomıkalyq dálizder elderimizdiń aýmaǵy arqyly ótedi. Qazaqstanda mol paıdaly qazbalar qory bar. Munyń bári Germanııamen jáne jalpy Eýropa Odaǵymen saýda-ınvestıtsııa salasyndaǵy yntymaqtastyqty nyǵaıtýǵa keń jol ashady, – dedi Qasym-Jomart Toqaev.
Memleket basshysy Germanııamen aradaǵy aımaqtyq saýda-ekonomıkalyq baılanystarda Qazaqstannyń mańyzdy ról atqaratynyn atap ótip, ózara qarym-qatynasty nyǵaıtý jáne ony jańa deńgeıge shyǵarý jóninde birqatar usynys aıtty.
– Biz mańyzdy shıkizat taýarlary salasyndaǵy yntymaqtastyqty keńeıtýge múddelimiz. Búginde sırek kezdesetin metaldarǵa álemdik suranys usynystan edáýir kóp. Memleketterdiń bolashaqtaǵy tehnologııalyq damýy osy úrdisti kúsheıte túsedi. Qazaqstan Ortalyq Azııanyń basqa memleketteri sııaqty, Eýropa Odaǵyna qajetti asa mańyzdy metaldar men mıneraldardyń orasan zor qoryna ıe. Olardy birlesip óndirýde ǵana emes, qaıta óńdeý isinde de bul baǵyttyń perspektıvasy zor, – dedi Qasym-Jomart Toqaev.
Memleket basshysy kezdesý qatysýshylaryna jýyrda germanııalyq HMS Bergbau kompanııasynyń basshylyǵymen geologııalyq barlaý jumystaryn júrgizý jáne aldaǵy ýaqytta lıtıı óńdeý keshenin salý týraly ýaǵdalastyqqa qol jetkizilgeni jóninde málimet berdi. Investıtsııa kólemi – 500 mıllıon dollar
– Ónerkásip salasyndaǵy yntymaqtastyǵymyz da múlde jańa deńgeıge kóterilip keledi. Linde kompanııasynyń karbamıd óndirisine arnalǵan gazdy tolyq óńdeý jobasyn júzege asyrý bul iske tyń serpin beredi. Investıtsııanyń jalpy kólemi 1,4 mıllıard teńgege baǵalanyp otyr, – dedi Prezıdent.
Memleket basshysynyń pikirinshe, kómirsýtegi shıkizatyn jetkizý, jahandyq azyq-túlik qaýipsizdigin kúsheıtý, kólik-tranzıt jáne qarjy salalaryndaǵy kooperatsııa ózara qarym-qatynastyń basqa da basym baǵyttarynyń qataryna kiredi.
Prezıdent kezdesýge qatysýshylardyń nazaryn ornyqty damý jáne jasyl ekonomıka salalarynda birlese jumys isteýdiń mańyzdylyǵyna aýdardy.
– Qazaqstan aımaqtyq klımat máselesin ilgeriletýge jan-jaqty atsalysýǵa daıyn. Biz nemis seriktesterimizdi 2026 jyly BUU aıasynda Qazaqstanda ótetin Aımaqtyq klımattyq sammıtke qatysýǵa shaqyramyz. Biz 2060 jylǵa qaraı kómirtegi beıtaraptyǵyna qol jetkizý jóninde mindetteme aldyq. Alaıda ol úshin bizge ekonomıkany aıtarlyqtaı jańǵyrtyp, «jasyl» tehnologııaǵa 600 mıllıard dollardan astam ınvestıtsııa tartý qajet, – dedi Qasym-Jomart Toqaev.
Prezıdent sóziniń sońynda atalǵan kezdesýdiń qorytyndysy Ortalyq Azııa elderi men Germanııa arasyndaǵy ekonomıkalyq yntymaqtastyqtyń kókjıegin keńeıtetine senim bildirdi.
Jıynda aımaq memleketteri basshylarymen qatar, Germanııa ekonomıkasy Shyǵys komıtetiniń basqarma tóraǵasy Katrına Klaas-Mıýlhoızer, sondaı-aq Linde, Knauf, Aurubis, German Seed Alliance GmbH, Ernst Klett AG jáne basqa da nemis kompanııalarynyń top-menedjerleri baıandama jasady.
