Prezıdent «Ortalyq Azııa» halyqaralyq ónerkásiptik kooperatsııasyna qatysty zańǵa qol qoıdy

ASTANA. KAZINFORM - Memleket basshysy «Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy «Ortalyq Azııa» halyqaralyq ónerkásiptik kooperatsııa ortalyǵynyń qyzmetin retteý týraly kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy.

Bul týraly Aqordanyń baspasóz qyzmeti habarlady.

Zań Qazaqstan men Ózbekstan arasyndaǵy ónerkásip salasyndaǵy jańa kooperatsııa ortalyǵynyń quqyqtyq negizin aıqyndaıdy. Sonyń aıasynda «Ortalyq Azııa» halyqaralyq ónerkásiptik kooperatsııa ortalyǵynyń mártebesi, onyń qyzmet túrleri men quzyreti belgilendi. Aldaǵy ýaqytta zań baýyrlas eki eldiń iskerlik baılanystaryn arttyrýǵa, sondaı-aq, saýda-ekonomıkalyq qatynastaryn nyǵaıtýǵa oń yqpalyn tıgizbek.

Zańnyń mátini baspasózde jarııalanady.

Osyǵan deıin Memleket basshysy Armenııanyń Syrtqy ister mınıstri Ararat Mırzoıandy qabyldaǵany týraly jazdyq.