Prezıdent orta bilim berý júıesine jasandy ıntellektini engizý týraly Jarlyqqa qol qoıdy

Qazaqstan Respýblıkasynda jasandy ıntellektiniń qarqyndy damýy jaǵdaıynda jáne adamı kapıtaldyń negizgi elementi retinde zamanaýı, ınnovatsııalyq bilim berý júıesin qalyptastyrýdyń shuǵyl qajettiligin negizge ala otyryp, QAÝLY ETEMІN:

1. Qazaqstan Respýblıkasynyń Úkimeti:

1) 2026 jylǵy 1 shildege deıin orta bilim berý júıesinde jasandy ıntellektini keńinen engizýge baǵyttalǵan, derbes oqytý tetigin, tsıfrlyq ınfraqurylymdy, pedagog kadrlar daıarlaýdy, bilim alýshylardyń derbes derekterin qorǵaýdy kózdeıtin Orta bilim berý júıesine jasandy ıntellektini engizýdiń 2026 – 2029 jyldarǵa arnalǵan keshendi is-sharalar josparyn (budan ári – Keshendi jospar) bekitsin;

2) qalalyq jáne aýyldyq mektepter arasynda bilim berý sapasyndaǵy alshaqtyqty qysqartý maqsatynda Jasandy ıntellektini damytý jónindegi keńestiń múshesi Lı Kaı-Fýdiń usynymdaryn 2026 jylǵy 1 maýsymǵa deıin is júzinde qoldanyp, orta bilim berý salasyndaǵy pılottyq jobany iske asyrý, odan ári keńinen qoldaný jóninde naqty usynystar engizsin;

3) 2026 jylǵy 1 tamyzǵa deıin pılottyq jobany iske asyrý sheńberinde turaqty, jyldamdyǵy joǵary ınternettiń bolýyn qosa alǵanda, mektepterdiń tehnıkalyq jaraqtandyrylýyn qamtamasyz etsin;

4) 2026 jylǵy 1 qyrkúıekke deıin bilim berý kontentin generatsııalaýdy jáne oqý nátıjelerin baǵalaýdy, sondaı-aq bilim berý mekemelerinde jasandy ıntellekt quraldaryn paıdalanýdy retteý maqsatynda akademııalyq adaldyqqa kepildikter berýdi qosa alǵanda, orta bilim berý júıesinde jasandy ıntellektini qoldaný standarttaryn bekitsin;

5) 2026 jylǵy 1 qyrkúıekke deıin pedagogterdiń úzdiksiz kásiptik damýyn kózdeıtin jáne jasandy ıntellekt tehnologııalaryn pedagogterdiń kásiptik qyzmetine nuqsan keltirmeı jáne ony almastyrmaı bilim berý protsesinde qosymsha tıimdi qural retinde paıdalanýdy qamtamasyz etetin sharalar josparyn bekitsin;

6) orta bilim berý uıymdaryndaǵy derbes derekterdi qorǵaýdy kúsheıtý jáne bilim berý kontentiniń Qazaqstan Respýblıkasynyń memlekettik jalpyǵa mindetti bilim berý standartynyń talaptaryna sáıkestigin qamtamasyz etý jóninde sharalar qabyldasyn.

2. Astana, Almaty, Shymkent qalalarynyń jáne oblystardyń ákimdikteri:

1) 2026 jylǵy 1 tamyzǵa deıin Keshendi josparmen úılestirilgen, orta bilim berý júıesine jasandy ıntellektini endirý jónindegi óńirlik josparlardy bekitsin;

2) pılottyq jobany jáne Keshendi jospardy iske asyrý maqsatynda uıymdastyrýshylyq jáne ózge de is-sharalardy qabyldasyn.

3. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

4. Osy Jarlyq qol qoıylǵan kúninen bastap qoldanysqa engiziledi.