Prezıdent «Organıkalyq ónim óndirisi jáne aınalymy týraly» Zańǵa qol qoıdy
ASTANA. KAZINFORM – Memleket basshysy «Organıkalyq ónim óndirisi jáne aınalymy týraly» Qazaqstan Respýblıkasynyń Zańyna qol qoıdy.
Zań tabıǵı resýrstardy saqtaýǵa jáne olardy utymdy paıdalanýǵa, sondaı-aq durys tamaqtaný daǵdysyn qalyptastyryp, organıkalyq ónim naryǵyn damytýǵa baǵyttalǵan.
Zańǵa birqatar jańa ereje engizilgen:
Birinshiden, Zańda organıkalyq ónim óndirisi men aınalymy salasyndaǵy ulttyq zańnamanyń maqsattary men mindetteri qaıta qaralǵan.
Ekinshiden, organıkalyq ónim óndirýshilerdiń aıasy keńeıtilgen. ıAǵnı, olardyń qataryna jeke jáne zańdy tulǵalardan bólek, organıkalyq ónim óndirýmen aınalysatyn birlestikterdi (jaı seriktestikterdi) jatqyzýǵa bolady.
Úshinshiden, Zańda organıkalyq ónim óndirýge kóshý sharttary qarastyrylǵan jáne onyń óndirisine, tańbalanýyna jáne aınalymyna qatysty talaptar bekitilgen.
Tórtinshiden, organıkalyq ónim óndirisi salasyndaǵy halyqaralyq tájirıbeler men standarttarǵa sáıkestendirý maqsatynda óndirilgen ónimniń sapasy úshin erikti qatysý, ishki baqylaý, sondaı-aq ujymdyq jaýapkershilik qaǵıdattaryna negizdelgen birlesken kepildikter júıesin (PGS) qurý jáne onyń jumysy jónindegi erejeler qamtylǵan.
Sondaı-aq Memleket basshysy «Qazaqstan Respýblıkasynyń keıbir zańnamalyq aktilerine organıkalyq ónim óndirisi jáne aınalymy máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
Zańnyń mátini baspasózde jarııalanady.
