Prezıdent Orbis Heavy Machinery arnaıy jáne kommertsııalyq tehnıka zaýytyna bardy
ASTANA. KAZINFORM – Qasym-Jomart Toqaev KIA markaly arnaıy jáne kommertsııalyq tehnıkalar qurastyratyn zaýyt jumysymen tanysty. Bul týraly Aqordanyń baspasóz qyzmeti habarlady.
Kásiporyn iske qosylǵan 2022 jyldan beri 700-den asa avtokólik shyǵarylǵan.
Óndiriske quıǵan ınvestıtsııanyń jalpy kólemi 11 mıllıard teńgeden asty. Munda óndirýshilerden jetkizilgen bólshekterdi dánekerleý, syrlaý, shanaq montajdaý jumystary atqarylady. Sonymen qatar kommertsııalyq avtokólikterge arnalǵan qosymsha jabdyqtar óndirisi jolǵa qoıylǵan. 240 maman turaqty jumyspen qamtylǵan.
Kompanııa óndiristik qýaty men ónim túrin keńeıtý úshin basqa da halyqaralyq brendtermen kelissóz júrgizip jatyr.
Prezıdent eńbek ujymyna tabys tilep, KIA Bongo avtokóliginiń shanaǵyna estelik qoljazba qaldyrdy.