Prezıdent: Oralhan Bókeı – ult rýhanııatynyń kókjıegin keńeıtýge zor úles qosqan birtýar tulǵa

Memleket basshysy Qasym-Jomart Toqaev Qazaqstan Respýblıkasy Memlekettik syılyǵynyń laýreaty, kórnekti jazýshy, dramatýrg Oralhan Bókeıdiń 80-jyldyǵyna arnalǵan konferentsııa qatysýshylaryna quttyqtaý hatyn joldady, dep habarlaıdy QazAqparat.

Qadirli qaýym! Sizderdi kórnekti jazýshy, dramatýrg Oralhan Bókeıdiń týǵanyna 80 jyl tolýymen quttyqtaımyn!Oralhan Bókeı – ult rýhanııatynyń kókjıegin keńeıtýge zor úles qosqan birtýar tulǵa.Qarymdy qalamger ádebıet álemine alǵash qadam basqan sátten bastap shoqtyǵy bıik shyǵarmalarymen oqyrman qaýymnyń yqylasyna bólendi. Onyń «Qaıdasyń, qasqa qulynym», «Qar qyzy», «Uıqym kelmeıdi», «Ataý kere» jáne basqa da týyndylary qazaq ádebıetiniń altyn qoryna qundy qazyna bolyp qosyldy», - delingen hatta.

Prezıdent jazýshynyń jaýhar muralary kóptegen shet tiline aýdarylǵanyn, pesalary elimizdiń irgeli óner ordalarynda qoıylyp, kórermen kózaıymyna aınalǵanyn atap ótedi.

«Altaıdyń Kerbuǵysy» atanǵan erekshe daryn ıesiniń shyǵarmashylyq joly, azamattyq ustanymy jáne qaıratkerlik qasıeti – jastarǵa árdaıym úlgi-ónege. Onyń mol ádebı murasy áli talaı urpaqqa rýhanı azyq bola beretini sózsiz.Barshańyzǵa zor densaýlyq, baq-bereke tileımin!» - deıdi Qasym-Jomart Toqaev.