Prezıdent Open University qaǵıdasy boıynsha bilim berýdi qoldady
«Qazaqstan óziniń jastary úshin qajetti bilim men daǵdyny berýi kerek. Buǵan qashyqtyqtan oqytý jaqsy múmkindikter beredi. Máselen, AQSh-ta joǵary oqý oryndarda 20 mln stýdenttiń úshten biri onlaın formatynda bilim alady. Al biz oǵan endi kirisip jatyrmyz. Sondyqtan elimizde qashyqtyqtan oqytý salasyn keńeıtý qajet», - dedi Nursultan Nazarbaev Jastar jylynyń ashylýyna arnalǵan sharada.
Osy oraıda, Prezıdent osyndaı múmkindikterdi qazaqstandyq jastar úshin Open University usyna alatynyn atady.
«Úkimet osy bastamany qoldaýy tıis, bul jobany barlyq JOO-larda, kolledjderde, jumys berýshiler deńgeıinde ilgeriletý kerek», - dedi Memleket basshysy.
Budan buryn habarlanǵandaı, Jastar jylynyń resmı ashylý saltanatynda Ulttyq aýdarma bıýrosynyń atqarýshy dırektory Raýan Kenjehanuly Astana ashyq ýnıversıteti týraly aıtyp bergen bolatyn.
«Ashyq ýnıversıtet platformasy zamanaýı tehnologııalar men bilim berý mindetin biriktire otyryp, bilim sapasyn jaqsartýǵa jáne ony qoljetimdi etýge múmkindik beredi. Ashyq ýnıversıtet ıdeıasy álemde keńinen qoldanylatyn qashyqtyqtan bilim berý men ashyq onlaın-kýrstar tájirıbesine negizdeledi. Mundaı kýrstardyń ádistemesi men tehnologııasy bilim berýdi derbestendiredi. ıAǵnı, ár adam ózine yńǵaıly ýaqyt pen orynda jáne ózine yńǵaıly jyldamdyqpen oqıdy», - dedi Raýan Kenjehanuly.
