Prezıdent Ońtústik Afrıka Respýblıkasyn Bostandyq kúnimen quttyqtady

ASTANA. KAZINFORM — Memleket basshysy Ońtústik Afrıka Respýblıkasynyń Prezıdentine quttyqtaý jedelhatyn joldady, dep habarlaıdy Aqordanyń baspasóz qyzmeti.

Qasym-Jomart Toqaev Ońtústik Afrıka Respýblıkasynyń Prezıdenti Sırıl Ramafosa men onyń otandastaryn ulttyq meıram — Bostandyq kúnimen quttyqtady.

— Memleket basshysy OAR-dyń saıası jáne áleýmettik-ekonomıkalyq turǵydan damyǵan el ekenin, búginde halyqaralyq qaýymdastyqtyń belsendi múshesine aınalǵanyn atap ótti. Sondaı-aq aldaǵy ýaqytta eki el arasyndaǵy yntymaqtastyqtyń jańa deńgeıge kóteriletinine senim bildirdi. Prezıdent jedelhatta Sırıl Ramafosanyń jaýapty memlekettik qyzmetine tolaǵaı tabys, al Ońtústik Afrıka Respýblıkasynyń halqyna baq-bereke tiledi, — delingen Aqorda taratqan aqparatta.

Buǵan deıin Toqaev Iran Prezıdentine kóńil aıtý jedelhatyn joldaǵany anyqtaldy.