Prezıdent ońtústikten soltústik óńirge kóshetinderge beriletin járdemaqyny 2 ese kóbeıtýdi tapsyrdy
«Sonymen birge el ishindegi mıgratsııalyq úderisterdi retteý isiniń tıimdiligin arttyra túsý qajet. Bul eń aldymen azamattarymyzdy elimizdiń ońtústiginen soltústigine kóshirýge qatysty. Osy másele Ulttyq keńeste birneshe ret kóterildi. Ony keshendi túrde sheshý úshin birinshiden, elektrondy eńbek bırjasynyń bazasynda biryńǵaı aqparattyq resýrs qurý kerek. Kóship barýshylarǵa memleket kórsetetin qoldaý jónindegi barlyq aqparatty tikeleı ári jedel alýy qajet. Ekinshiden, qazirgi kóshýge qatysty máselelerdi ońaılatqan jón. Memleket mıgranttarǵa barynsha qolaıly jaǵdaı jasýǵa tıis», - dedi Memleket basshysy.
QR Prezıdenti jaqynda jumys saparymmen Soltústik Qazaqstan oblysynda bolǵanyn atap ótti.
«Bul óńir demografııalyq ósimi eń baıaý aımaqtyń biri bolǵanymen qonys aýdarýshylardy tartý jaǵynan jaqsy nátıje kórsetip otyr. Aımaqta kóship kelýshilerge arnalǵan turǵyn úıler salynýda. Sonymen qatar kommýnaldyq ınfraqurylym damyp, ártúrli áleýmettik nysandar boıy kóterýde. Qonys aýdarýshylardy yntalandyratyn qosymsha shara retinde olarǵa beriletin járdemaqynyń mólsherin 2 esege, ıaǵnı 35 AEK-ten 70-ke deıin kóbeıtken jón dep sanaımyn. Úkimetke bir aıdyń ishinde osy máseleni zerttep, tıisti sheshim qabyldaýdy tapsyramyn»,- dedi Qasym-Jomart Toqaev.